Nag- Apas Sa Panahon (pseudo-Haibun variation)

46866036-hud9bg48-malayanboxturtlet

Alas singko sa buntag. Naghinay-hinay na og subang ang adlaw taliwa sa bugnaw na huyohoy sa gawas, mabatyag man gali sa sulod. Mga dahon gahuwat sa sidlak na muduwa sa yamog. Sinyas sa bag-ong adlaw nga kalit gibuak sa nag-alingasa napud nga orasan. Ug ako gadali-dali og kaligo, gadali-dali og pangape, gadali-dali og panutbras. Dako akong panghupaw gahunahuna nga magsagubang napod sa trapik inig gawas sa balay.  Inig abot pod sa opisina daghan tagdanon, daghan apason, daghan humanon daw makaguol basin ang ending ani ako na hinuon ang tiwason. Karnero sa ihawan. Wa na gali makabantay nga gakum-os lang ang sanina pang-opisina — bahala na si Batman. Ingun ana nalang ang kinabuhi.

Ang mga bao
Malinawong naglangoy
Sa gamang halwa
Taliwa sa adlawan,
Way pagtagad sa tempo.

 

Pahibalo: Kini nga balak nigawas una apil sa antholohiya sa Cebu Litfest Poetry Folio 2016 nga libro nga gilunsar niadtong Nobyembre 26, 2016 sa Ayala Center Cebu Activity Area.

(image source)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s